ലക്ഷ‌്യത്തിലേക്ക്.........
പ്രക്യതിതന്‍ മാധുര്യദുഗ്ദം നുകര്‍ന്നു ഞാന്‍
ഒഴുകുകയാണൊരു ദിക്കിലായ്.......
അറിയില്ല എവിടെ അതെത്തുമെന്നൊന്നും
പിന്നറിയാതെ ഒഴുകി ഞാന്‍ ലക്ഷ‌്യത്തിനായ്.
അന്നിടനാഴിയില്‍ പെയ്തൊരാ പെരുമഴ
ഗര്‍ത്തത്തിലേക്കെന്നെ ആനയിച്ചു.
അറിയാതെ അന്നു ഞാന്‍ വാരിപുണര്‍ന്നു
എന്‍ ജീവിതത്തിന്റെ നിഗൂഢതയും.
മഞ്ഞുരുകും പോലെ മനസുതിര്‍ന്നിട്ടും
കാറ്റുപോലെന്നെ തുടര്‍ന്നുവന്നു
മണ്ണിലലിയുന്ന വെള്ളത്തിന്‍ മാത്യക
കൈവെടിഞ്ഞില്ല ഞാന്‍ ജീവിതത്തില്‍
അണിയിച്ചൊരുക്കി അന്നാദ്യമായ് പ്രണയത്തിന്‍
ഭാഷതന്‍ അര്‍ത്ഥം ഗ്രഹിക്കുവാനായ്.
മനസിനെ പാകപ്പെടുത്തി അന്നറിയാതെ
അറിയണം എന്നെ എന്നെന്നുതന്നെ.
മനസിന്റെ മുറിവുകള്‍ കൂട്ടിപിടിച്ചന്ന്
ദൃഢമായ് എടുത്തൊരു ലക്ഷ്യമന്ന്.
ഇന്നു ഞാന്‍ പോവുന്നു മനസിന്റെ-
നാളയില്‍ ഒരുവലിയ പാലായനത്തിനായ്.............
- മുബഷിറ .ഒ.എം
No comments:
Post a Comment